Bestèbde pient

Oaze néûe penningmíéster, Joy Vanstraelen, líét oas wete da ter vrieger van ejmand dee oueren ènne kaffee kos zitte zonder ejt te zèggen èn zonder va z’n pient te drènke, gezeed woard: “Dieën doa bè z’n bestèbde pient!”

’t Woard “bestèb” kim va “stèp” (stof). Da ès femieldzje van ’t Dèèts woard “Staub”.
“Aafstèbbe” bestej euch. Da wielt zègge: ‘t stèp ewegdouen bè ’n – dzje groajt ’t al – “stèpvod”.