Lede va Veldeke Hasselt,
Lejf minse,

As bestejer mutte vieë oech loate wete da ter oas ejt híél tristig ès everkeume.
Oaze penningmíéster, ledenadministrator èn steunpilaar van oas veríéniging ès oas op 4 desember 2009 ontvalle, tegelèèk bè ze lejf vreuke.

Francis weur èn oas bestejer de man dieë híél veel èn gank stouk èn altèèd bè de glimlach vrèèwilleg vanalles op ’m weu trèkke. Ze scherrep deurziech broch oas te nóéedege ènziechte bèè en hieë weur ’t tieë de míéste pos èn grammèèrs an ouer deer gebroch hèt.
Z’n lejf vreu Jacqueline weur ter altèèd bèè as ter te wèrreke vouel of vir bè de verzendinge te hellepe.

Da ongelíéflek verlejs hèt oas verschriekelek tristig gemaak èn líét oas wèè ontredderd achter.

Slivvenieërke vanne heup, gif se asteblejf hèèbeuve de plââts tee ze verdejene.
Vieë zulle ze nóéets nemíé vergieëte.

‘t Bestejer va Veldeke Hasselt vzw