Lid worden

Bèsden Hesselieër,
Lejfste Hesselos,

Weet dzjieë al da “Veldeke Hasselt vzw” èèvert virre bescherreming, ’t behaag ènne premeuse van’t Hessels diallèk? Zoe hèbbe vieë par èkzempel mejgewèrrek anne twejtâlige (Schóévlaams-Hesselse) stroatplieëtsjes ènne bènnestad!

Lejfste medam, bèsde menieër – dzje hieërt oas al aafkeume -, zèèt dzjieë gèntresseerd vir oas veríéneging te steunen èn anne ledenaktivvetèète mej te douen?

Zoe joa, meuge vieë oech tan vriendelek vroage vir ’t blââd vir lid te wieëre, èn te vèllen èn an Veldeke Hasselt vzw, Sasput 6, 3500 Hasselt trèk te bezèrrege. Dzje kunt ta blââd euch obb’oaze sait bè de kompjoeter ènvèllen.

Nog e klee deetaj: ’t lidgeld vir íé joar kos 10 erremzâlige eurokes. Joeng minse tot 25 joar mutten ieël mar 5 euro betâle. Steunlede zèn vriendeleke minse dee oas veríéneging mieër as 10 euro willen onne. Anne lede dee èn’t béûteland wóéene, mutte ve durre hóég portkoste spèètig genoeg 20 euro vroage.
(Te storten op rieëkening IBAN BE91 9792 4634 8376 va Veldeke Hasselt vzw, Sasput 6, 3500 Hasselt bè as vermelding: Lidgeld 2021. Naam, addres en e-mail ni vergieëten asteblejf!)

Vir da lidgeld krèjje (vir te begènne!) vejer nummereus van oas tèèdschrif ‘Hesselse Ka.l’ (híélemoal èn ’t Hessels!) èn kujj’an al oas aktivvetèète mejdouen.

Nog nen dieke mèrsie vir ouer steun èn belangstèlling èn tot obb’íén van oas aktivvetèète.

Marco Clerinx, veerzitter,
Names ‘t bestejer va Veldeke Hasselt vzw

***

Formelejer vir lid te wieëre va Veldeke Hasselt vzw:

gewóéen lid: 10 euro - jeugdlid: 5 euro (onder de 25 joar) - steunend lid: mieër as 10 euro - lid èn’t béûteland: 20 euro

Vieë vollege hèè de privacywetgieëving. Ouer gegieëves wieëre allíén ge-brèèk vir:

  • oech oas tèèdschrif Hesselse Kal” evere pos op te schieke;
  • oech alderlee néûts ever ’t Hessels per e-pos (e-mail) te bezèrrege;
  • oech per e-pos te loate wete wèèníé ter ’n ledenaktivvetèèt plââtsviend;
  • oech evere pos èn per e-pos te loate wete da dzje (as ta mès zèn) vergieëte zèèt vir ’t lidgeld van ’t lóépend joar te betâle.

Ajje èn julie ouer lidgeld van ’t lóépend joar nog ni betââld hèt, zèèt dzje gi lid nemíé va Veldeke Hasselt vzw, èn schrappe ve dus euch al ouer gegieëves.